گرداس پور: آل انڈیا پاور انجینئرس فیڈریشن (اے آئی پی ای ایف) نے ہفتہ کے روز کسانوں کی تحریک کی حمایت کرتے ہوئے مرکزی حکومت سے نئے زرعی قانون اور بجلی ترمیمی بل کو منسوخ کرنے کی اپیل کی ہے۔
فیڈریشن کے ترجمان وی کے گپتا نے آج یہاں بتایا کہ آل انڈیا پاور انجینئرز فیڈریشن کے صدر شیلندر دوبے کی قیادت میں ایک وفد اور پی ایس ای بی انجینئرز اسوسی ایشن کا وفد جسبیر دھیمان اور اجے پال سنگھ اٹوال کی قیادت میں آج کسانوں کی حمایت سنگھو بارڈر پہنچا۔
سنگھو بارڈر پر کسانوں سے خطاب کرتے ہوئے،دوبے نے کہا کہ ملک بھر میں بجلی کے انجینئرز اور کارکن کسانوں کی جدوجہد کی مکمل حمایت کرتے ہیں اور مرکزی حکومت سے اپیل کرتے ہیں کہ وہ کاشتکاری کے قوانین کو منسوخ کریں اور بجلی ترمیمی بل 2020 کو واپس لے کر کسانوں کی بجلی کی سبسڈی کی حفاظت کریں۔ کسانوں کی جدوجہد مرکزی حکومت کی معاشی پالیسی کے خلاف ہے جو کاشتکاری برادری کی قیمت پر اپنے کاروبار اور منافع کو زیادہ سے زیادہ کرنے کے لئے حاصل کرنے کےلئے کارپوریٹ اور صنعت کار رہنماؤں کی حمایت کرنا ہے۔ بجلی کے شعبے کی نجکاری کے بعد،بجلی کی لاگت کسانوں کی پہنچ سے باہر ہوگی۔
پی ایس ای بی انجینئرز ایسوسی ایشن نے کسانوں کو ان کی تحریک کی حمایت میں ایک لاکھ روپے کا چیک پیش کیا۔ جسبیر دھیمان صدر پی ایس ای بی ای اے نے کہا کہ جب کہ مرکزی حکومت نے ڈی بی ٹی (براہ راست فائدہ کی منتقلی) کے عمل کی تجویز پیش کی ہے،وہیں یہ رقم کسانوں کو مفت بجلی کی سبسڈی چھیننے کےلئے ہے۔ پنجاب حکومت بجلی ایکٹ 2003 میں مجوزہ ترامیم کو پہلے ہی مسترد کر چکی ہے۔
