نئی دہلی : صنعتی تنظیموں نے ریزرو بینک آف انڈیا کی مالیاتی پالیسی میں تبدیلی نہ کرنے کے فیصلے کا خیرمقدم کرتے ہوئے کہا ہے کہ اس سے افراط زر پر قابو پانے اور معیشت کو تیز کرنے کے چیلنج سے نمٹنے میں مدد ملے گی۔
ریزرو بینک نے جمعہ کو اعلان کی جانے والی مانیٹری پالیسی میں مسلسل تیسری مرتبہ ریپو ریٹ اور ریورس ریپو ریٹ میں کوئی تبدیلی نہیں کی ہے۔
ریزرو بینک نے ریپو ریٹ 4 فیصد اور ریورس ریپو ریٹ بھی 3.35 فیصد جوں کی توں رکھا ہے۔ اس کے علاوہ موجودہ مالیاتی سال میں مجموعی گھریلو پیداوار(جی ڈی پی)کی شرح منفی 7.5 فیصد رہنے کا اندازہ لگایا ہے۔
فیڈریشن آف انڈین کامرس اینڈ انڈسٹری(ایف آئی سی سی آئی)کی صدر ڈاکٹر سنگیتا ریڈی نے کہا کہ رخ میں کسی قسم کی تبدیلی قابل تحسین ہے۔ جب تک صنعتی سرگرمیاں مستحکم نہیں ہوجاتی ہیں تب تک اس کی ضرورت ہے۔ اگرچہ افراط زر کی شرح میں بھی اضافہ ہو رہا ہے جس کے لئے معیشت کی ترقی پر توجہ دینے کی ضرورت ہے۔
انہوں نے بتایا کہ توقع کی جارہی ہے کہ رواں مالی سال کے دوسرے نصف حصے میں معیشت کو تقویت ملے گی۔ یہ حوصلہ افزا بات ہے لیکن کووڈ ۔19 کی وبا کے اثرات سے نمٹنے کے لئے حکومت اور ریزرو بینک کے تعاون کی ضرورت ہوگی۔
