سعودی عرب کے پبلک انویسٹمنٹ فنڈ (پی آئی ایف) کے ذریعہ جمعرات کے روز ریلائنس انڈسٹریز لمیٹڈ (آر آئی ایل) کے ذیلی ادارہ مکیش امبانی کی ریلائنس ریٹیل اور ریلائنس ریٹیل وینچرز لمیٹڈ (آر آر وی ایل) میں جمعرات کو سعودی عرب کے پبلک انویسمنٹ فنڈ (پی آئی ایف) نے 2.04 فیصد ایکویٹی کے لئے 9،555 کروڑ روپے کی سرمایہ کاری کا اعلان کیا ہے۔
اس معاہدے میں ریلائنس ریٹیل کی پری منی ایکویٹی کی مالیت 4.587 لاکھ کروڑ اندازہ لگایا گیا ہے۔ پری منی ایکویٹی گزشتہ سرمایہ کاریوں کے مقابلے میں 30،000 کروڑ روپے زیادہ ہے۔
ریلائنس ریٹیل میں سرمایہ کاری کا سلسلہ 9 ستمبر کو سلور لیک سے شروع ہوا تھا جس کے بعد کے کے آر ، جنرل اٹلانٹک، مبادلہ ، جی آئی سی ، ٹی پی جی اور اے ڈی آئی اے جیسے عالمی سرمایہ کاری فنڈ سرمایہ کاری کرچکے ہیں۔ پی آئی ایف ڈیل کو ملاکر اب تک نو سرمایہ کاری کے ذریعے ریلائنس ریٹیل میں 10:09 فیصد ایکویٹی کے لئے اب تک 47،265 ہزار کروڑ سے زیادہ کی سرمایہ کاری کی جا چکی ہے۔
ریلائنس کے چیئرمین اور منیجنگ ڈائریکٹر مکیش امبانی نے پی آئی ایف معاہدے پر خوشی کا اظہار کرتے ہوئے کہا ہے کہ "ہمارے سعودی عرب کے ساتھ دیرینہ تعلقات ہیں۔ پی آئی ایف سعودی عرب کی معاشی ترقی میں اہم کردار ادا کررہا ہے۔ میں ریلائنس ریٹیل میں ایک اہم پارٹنر کی حیثیت سے پی آئی ایف کا خیرمقدم کرتا ہوں۔ ہم 130 کروڑ ہندوستانیوں اور لاکھوں چھوٹے چھوٹے تاجروں کی زندگیوں کو خوشحال بنانے اور ریٹیل سیکٹر میں تبدیلی لانے کے ہمارے ڈریم منصوبے کے لئے پی آئی ایف کی مسلسل حمایت کی امید کرتے ہیں۔‘‘
