واشنگٹن (اسپوٹنک)
سوشل میڈیا پلیٹ فارم فیسبک اور انسٹگرام نے کانن سازش سے جڑے سبھی اکاؤنٹ فوری اثر سے بندکردیا ہے ۔کمپنی نے منگل کو بیان جاری کرکے بتایا کہ کانن سازش کے خلاف ہم مضبوطی سے اقدامات کررہے ہیں اور اسی سلسلے میں آج اس سے جڑے سبھی انسٹگرام اور فیسبک پیج کو بند کردیا جائے گا۔ بیشک ان میں کوئی اکسانے والے مواد ہو یا نہ ہو۔
فیسبک نے کہا ہے کہ کانن سے جڑے سبھی اکاؤنٹ کو بند کرنے میں کئی ہفتے لگ جائیں گے۔ اس سے پہلے 19 اگست کو کمپنی نے سلامتی طریقہ کار اپناتے ہوئے متنازعہ اور دیگر اشتعال انگیز مواد کو اپنے پلیٹ فارم سے ہٹادیا تھا۔اس کے بعد کمپنی نے ایک مہینے کے اندر کہا تھا کہ انہوں نے کانن سے جڑے پندرہ سو اکاؤنٹ قابل اعتراض مواد کی وجہ سے ہٹادیئے ہیں۔
کانن دراصل ان لوگوں کا ایک گروپ ہے جو دعوی کرتے ہیں کہ امریکی صدر ڈونالڈ ٹرمپ ڈیموکریٹک پارٹی کے ایک ایسے نیٹ ورک سے خفیہ طور سے لڑرہے ہیں جس کے لوگ چھوٹی عمر کے بچوں کا استحصال کرتے ہیں۔ امریکی سلامتی ایجنسی ایف بی آئی نے کانن کے سوشل میڈیا پر موجودگی کے سلسلے میں انتباہ دیتے ہوئے کہا تھا کہ اس سے جڑے پیج تشدد پسندانہ جرائم کو بڑھاوا دیتے ہیں۔
