ساوتھمپٹن: انگلینڈ نے آسٹریلیا کو پہلے ٹی ٹوئنٹی میچ کے دلچسپ مقابلے میں دو رن سے شکست دے کر تین میچوں کی سیریز میں ایک۔صفر کی برتری حاصل کرلی۔
انگلینڈ اور آسٹریلیا کے بیچ جمعہ کے روز کھیلے گئے مقابلے میں مہمان ٹیم آسٹریلیا نے ٹاس جیت گیندبازی کا فیصلہ کیا۔ انگلینڈ نے پہلے بلے بازی کرتے ہوئے ڈیوڈ ملان کے 43 گیندوں پر پانچ چوکوں اور تین چھکوں کی مدد سے 66 رنز کی نصف سنچری اننگز 20 اوورز میں سات وکٹوں پر 162 رنز بنائے۔
ہدف کا تعاقب کرنے اتری آسٹریلیائی ٹیم کو سلامی بلے باز ڈیوڈ وارنر نے 47 گیندوں پر چار چوکوں کی مدد سے 58 رنز اور کپتان آرون فنچ نے 32 گیندوں پر سات چوکوں اور ایک چھکے کی مدد سے 46 رنز بناکر دلائی ۔ اس کے باوجود آسٹریلیا کی ٹیم 20 اوور میں چھ وکٹوں پر 160 رن ہی بنا سکی اور میچ ہار گئی۔ ملان کو ان کی بہترین اننگز کے لئے مین آف دی میچ منتخب کیا گیا۔
ٹاس ہارکر بلے بازی کرنے اتری انگلینڈ کی ٹیم کو سلامی بلے باز جوس بٹلر نے شاندار شروعات دلائی ۔ انہوں نے جانی بیرسٹو کے ساتھ مل کر پہلی وکٹ کے لئے 43 رنز کی شراکت کی۔ پیٹ کمنس نے مشیل اسٹارک کے ہاتھوں کیچ آوٹ کراکر بیرسٹو کی اننگز ختم کردی۔ بیرسٹو نے آٹھ رن بنائے ۔
