ٹوکیو : جاپان کی حکمران لبرل ڈیموکریٹک پارٹی (ایل ڈی پی) کے ایک ایگزیکٹو نے کہا ہے کہ کورونا وائرس (کوویڈ۔ 19) کی وبا کے باوجود اولمپکس آئندہ سال ٹوکیو میں ضرور ہونے چاہئیں چاہے ان کھیلوں کے دوران ناظرین کو میدان میں آنے کی اجازت نہ دی جائے۔
جاپان کے جے آئی جے آئی پریس کے مطابق ایل ڈی پی کے ایگزیکٹو اورجاپانی وزیراعظم شنزو آبے کے قریبی رہنما نے کہا کہ بغیر ناظرین کے بھی اولمپکس کومنعقد ہونا چاہئے۔ اگلے سال ٹوکیو میں ہونے والے اولمپکس 23 جولائی سے 8 اگست تک ہوں گے۔
اولمپکس میں پریشانی یہ ہے کہ جاپان میں جولائی کے آغاز سے ہی کورونا وائرس کے واقعات میں مستقل اضافہ ہورہا ہے۔ ادھر اتوار کے روز جاپان کے دارالحکومت ٹوکیو میں کورونا وائرس کے 239 نئے واقعات کی تصدیق ہوئی ہے۔ جاپان کے دارالحکومت ٹوکیو میں لگاتار چھٹے دن کورونا وائرس کے 200 سے زیادہ کیسز رپورٹ ہوئے ہیں۔
ایک سینئر سرکاری عہدیدار نے جے آئی جے آئی کو بتایا کہ کورونا وائرس کے مکمل خاتمے کے لئے اگلے سال تک ٹوکیو میں اولمپکس کا انعقاد مشکل ہے۔ ہمارا مقصد کورونا وائرس کے مابین اولمپکس کا انتظام کرنا ہے۔
عہدیدار نے کہا کہ کورونا وائرس کی وجہ سے ہر ملک یا خطے سے شرکت کرنے والوں کی تعداد اولمپکس کی افتتاحی تقریب تک ہی محدود ہوسکتی ہے۔ ایل ڈی پی کے ایک رہنما نے کہا کہ بہت سے لوگوں کو لگتا ہے کہ جاپان کو اولمپکس منسوخ کرنا چاہئے اور اس بار اولمپکس کا ہونا ناممکن ہے۔ایل ڈی پی کے ایک سینئرممبر نے کہا کہ اگر اولمپکس اورپیرا اولمپکس منسوخ کردیئے گئے تو انتظامیہ کو ایک بڑا دھچکا لگے گا۔
