کووڈ-19 کے اس بحران میں آسام میں چند مسلمان رضاکاروں نے انسانیت کی ایک اہم اور بہترین مثال قائم کی ہے، آسام کے ضلع کاچر کے نرسنگ پور نمبر 2 گاؤں کی ایک 85 سالہ ہندو خاتون کی آخری رسومات ایک این جی او کے رضاکاروں نے انجام دیں کیونکہ ان کے لواحقین اور پڑوسیوں نے شبہ ظاہر کیا کہ وہ کووڈ مثبت ہے، اس لئے انہوں نے اس کی آخری رسومات ادا نہیں کی۔ اگرچہ یہ خاتون گذشتہ جمعہ کو فوت ہوگئی ، لیکن اس کی کووڈ ٹیسٹ رپورٹ میں یہ تصدیق اتوار کو ہوئی کہ وہ کووڈ-19 مثبت تھی، سلچر میڈیکل کالج اور اسپتال (ایس ایم سی ایچ) سے یہ رپورٹ آئی۔ اس کے ٹیسٹ کے نمونے اس کی موت کے بعد جمع کیے گئے تھے۔
بعد میں ، رابطہ کرنے پر ، سونا ریونیو دائرے کے تحت چلنے والی ایک غیر سرکاری تنظیم 'آپدہ مترا' کے تین مسلمان رضاکار ہفتہ کی شام متاثرہ ، جو 'یوگی' برادری سے تعلق رکھتے تھی ، کی آخری تدفین انجام دینے کے لئے آگے آئے۔ اس برادری کے لوگ عام طور پر اپنے مردہ کو دفن کرتے ہیں۔
تدفین کے عمل کے لئے رضاکاروں – ناظم الدین چودھری ، سہید احمد چودھری اور روزید احمد چودھری کو پی پی ای کٹس فراہم کی گئیں۔ ڈسٹرکٹ ہیلتھ ڈیپارٹمنٹ کے فیلڈ آفیسر بپراجیت پال چودھری نے غیر سرکاری تنظیم کی جانب سے فوری خدمات پر اظہار تشکر کیا۔
