نئی دہلی: عالمی وبا کورونا وائرس ہندوستان میں تباہی کا سبب بن رہا ہے۔ ملک میں کورونا وائرس کے قہر میں مسلسل تیزی سے اضافہ ہو رہا ہے۔ ہندوستان میں 1 لاکھ 82 ہزار سے زیادہ افراد کورونا سے متاثر ہو چکے ہیں، جبکہ اب تک 5100 سے زیادہ افراد فوت ہوچکے ہیں۔ دریں اثنا، ملک کے دارالحکومت دہلی میں گذشتہ 24 گھنٹوں کے دوران کورونا کے ریکارڈ کیسز رپورٹ ہوئے ہیں۔ دہلی میں مسلسل چوتھے روز کورونا کے ایک ہزار سے زیادہ مریض منظر عام پر آئے ہیں۔ اتوار کے روز دہلی میں 1295 نئے معاملات درج ہوئے اور متاثرہ افراد کی تعداد 19844 تک پہنچ گئی۔ گزشتہ 24 گھنٹوں کے دوران ، 416 مریض بازیاب ہوئے ہیں، جبکہ اب تک مجموعی طور پر 8478 مریض صحتیاب ہو چکے ہیں۔ اس عرصے کے دوران دہلی میں 13 مریضوں کی موت ہوگئی اور اس وائرس سے جاں بحق ہونے والوں کی تعداد 473 ہوگئی۔ واضح رہے کہ اس عالمی وبا کے پیش نظر ملک گیر لاک ڈاؤن کا چوتھا مرحلہ جاری ہے۔ یکم جون سے لاکڈاؤن کا پانچواں مرحلہ شروع ہو جائے گا۔ جس کے لیے نئے رہنما خطوط وزارت داخلہ کی جانب سے جاری کی جا چکیں ہیں۔
