نئی دہلی، (یو این آئی) : ہندوستان اور پاکستان کے درمیان بڑھتی ہوئی کشیدگی کے درمیان شہری دفاع کی تیاریوں کو مؤثر طریقے سے نافذ کرنے کے لئے، شہری دفاع کے ڈائریکٹر جنرل نے میڈیا چینلوں کو مشورہ دیا ہے کہ وہ اپنے پروگراموں میں شہری دفاع کے فضائی حملے کے الرٹ سائرن کا استعمال نہ کریں کیونکہ اسے غیر ضروری طور پر بجانے سے لوگوں میں اس کے تئیں حساسیت ختم ہوجائے گی ۔
سول ڈیفنس کے ڈائریکٹر جنرل نے ہفتہ کو یہاں سول ڈیفنس ایکٹ 1968 کے سیکشن 3(1) کا استعمال کرتے ہوئے میڈیا چینلز کو مشورہ دیا کہ وہ اپنے پروگراموں میں ان سائرن کا استعمال نہ کریں۔
مشورے میں کہا گیا ہے کہ اس سائرن کا باقاعدگی سے استعمال لوگوں کو اس کے تئیں بے حس کر دے گا اور وہ اسے معمول کا معاملہ سمجھ کر اس کی پرواہ نہیں کریں گے۔ اس میں کہا گیا ہے کہ اس کا نتیجہ یہ ہو گا کہ جب حقیقت میں لوگوں کو ہوائی حملے کے بارے میں آگاہ کرنے کے لیے سائرن بجایا جائے گا تو لوگ اس پر توجہ بھی نہیں دیں گے۔
خیال رہے کہ زیادہ تر میڈیا چینلز اپنے پروگراموں میں ایسے سائرن کا غیر ضروری استعمال کر رہے ہیں۔
