نئی دہلی، (یو این آئی): حکومت نے ہندوستان، ہندوستانی فوج اور سیکورٹی ایجنسیوں کے بارے میں اشتعال انگیز، جھوٹا، گمراہ کن اور فرقہ وارانہ ہم آہنگی کو نقصان پہنچانے والے سنسنی خیز مواد نشر کرنے والے 16 پاکستانی یوٹیوب چینلز پر پابندی لگا دی ہے۔
سرکاری ذرائع نے پیر کو بتایا کہ یہ پابندی مرکزی وزارت داخلہ کی سفارش پر فوری اثر سے لگائی گئی ہے۔ جن یوٹیوب چینلز پر پابندی عائد کی گئی ہے ان میں ڈان نیوز، سماء ٹی وی، اے آر آئی نیوز اور جیو نیوز شامل ہیں۔ یہ چینل پہلگام دہشت گردانہ حملے کے بعد دونوں ممالک کے درمیان پیدا ہونے والی کشیدہ صورتحال کے پیش نظر گمراہ کن اور سنسنی خیز مواد نشر کر رہے ہیں۔
حکومت نے ارشاد بھٹی، بی او ایل نیوز، رفتار، دی پاکستان ریفرنس، سما اسپورٹس، جی این این، عزیر کرکٹ، عمر چیمہ ایکسکلوسیو، اسما سراجی اور منیب جیسے یوٹیوب چینلز پر بھی پابندی عائد کردی ہے۔
On the recommendations of the Ministry of Home Affairs, the Government of India has banned the 16 Pakistani YouTube channels including Dawn News, Samaa TV, Ary News, Geo News for disseminating provocative and communally sensitive content, false and misleading narratives and… pic.twitter.com/AusR1fCkvN
— ANI (@ANI) April 28, 2025
