ہلدوانی: جمعرات کو ہلدوانی کے بنبھول پورہ میں مدرسہ اور مسجد کو غیر قانونی بتا کر منہدم کئے جانے کے تشدد بھڑک اٹھا، جس میں پولیس اور مقامی مسلمانوں کے درمیان پتھراؤ میں 50 سے زیادہ پولیس اہلکار زخمی ہوگئے جبکہ کئی درجن مسلمان بھی زخمی ہوئے ہیں۔ سبھی ہسپتال میں زیر علاج ہیں۔ ڈی ایم نے ونبھول پورہ میں کرفیو نافذ کر دیا ہے اور فسادیوں کو دیکھتے ہی گولی مارنے کا حکم دیا ہے۔ ہندوستان ہندی کی رپورٹ کے مطابق، دیر رات ہلدوانی علاقے کے غفور بستی میں باپ بیٹے کی گولی لگنے سے موت ہوگئی ہے۔ حالات کو دیکھتے ہوئے ہلدوانی علاقے میں انٹرنیٹ خدمات بند کر دیا گیا ہے۔
ریاست کے سابق وزیر اعلی ہریش راوت نے لوگوں سے امن بنائے رکھنے کی اپیل کی ہے۔
VIDEO | “We are very concerned about the situation in Haldwani. It’s unfortunate how the entire incident unfolded. Establishing peace in the area is the need of the hour,” says former Uttarakhand CM Harish Rawat on Haldwani madrasa demolition and the subsequent protest. pic.twitter.com/8ZEHo49cvJ
— Press Trust of India (@PTI_News) February 8, 2024
ریاست کے وزیر اعلیٰ پشکر دھامی نے اس معاملے میں اعلیٰ سطحی میٹنگ بلائی ہے۔ انہوں نے چیف سکریٹری، ڈائرکٹر جنرل آف پولیس، دیگر سینئر پولیس اور انٹیلی جنس حکام کے ساتھ صورتحال کا جائزہ لیا۔ انہوں نے عوام سے امن برقرار رکھنے کی اپیل کی۔
VIDEO | The authorities in Uttarakhand’s Haldwani demolished a madrasa believed to have been illegally constructed near the Banbhulpura police station today. pic.twitter.com/6HYLDktGBf
— Press Trust of India (@PTI_News) February 8, 2024
بنبھول پورہ میں تشدد کی وجہ سے دہلی جانے والی بسوں کو بھی روکنا پڑا۔ ہلدوانی بس اسٹینڈ کو خالی کرا لیا گیا ہے۔ اس دوران دہلی جانے والی 15 بسوں کو واپس ڈپو میں بھیج دیا گیا جبکہ مسافروں والی بسوں کو فوری طور پر روانہ کر دیا گیا۔
مزید پڑھیں:ہلدوانی کے تشدد زدہ علاقے بنبھول پورہ میں کرفیو نافذ، دیکھتے ہی گولی مارنے کا حکم
جانکاری کے مطابق، تشدد کے پیش نظر ہلدوانی میں جمعہ کو آنگن واڑی مراکز اور کلاس 1 سے 12 تک کے تمام اسکول بند رہیں گے۔ بلاک ایجوکیشن آفیسر ہریندر مشرا نے بتایا کہ بنبھول پورہ میں تشدد کے پیش نظر تمام سرکاری اور پرائیویٹ اسکول، آنگن واڑی مراکز جمعہ کو بند رہیں گے۔ اس سلسلے میں احکامات جاری کر دیے گئے ہیں۔
