لکھنؤ (یواین آئی): دنیائے اردو کے معروف شاعر منور رانا کا 71برس کی عمر میں اتوار سوموار کی نصف شب لکھنؤ کے ایس جے پی جی آئی میں انتقال ہوگیا۔ وہ امرا ض قلب اور گردے کے عارضے میں مبتلا تھے۔ پیر کو لکھنؤ کے عیش باغ قبرستان میں نم آنکھوں سے سپرد خاک کردیا گیا۔ پیر کی دوپہر ظہر کی نماز کے بعد تقریباً 1.45 بجے ندوہ کالج کیمپس میں منور رانا کی نماز جنازہ ادا کی گئی۔ مولانا جعفر حسنی نے نماز جنازہ پڑھائی۔ جنازے میں ایم آئی ایم کے ترجمان عاصم وقار، معرور شاعر جاوید اختر، سمیت دیگر رہنماوٗں نے شرکت کی، جبکہ ریاست کے سابق وزیر اعلی اکھیلش یادو نے پہنچ کر تعزیت کا اظہار کیا۔
अखिलेश यादव शायर मुनव्वर राणा को श्रद्धांजलि देने पहुंचे
◆ राणा को ऐशबाग के कब्रिस्तान में सुपुर्द-ए-खाक किया जाएगा#MunawwarRana | #AkhileshYadav | Munawwar Rana pic.twitter.com/kFwJapN8JP
— News24 (@news24tvchannel) January 15, 2024
منوررانا لمبے عرصے سے علیل تھے اور ان کا لکھنؤ کے اسپتال میں علاج چل رہا تھا۔ ان کی بیٹی سمیہ رانا کے مطابق ان کے والد کا لکھنؤ میں انتقال ہوگیا۔ بیماری کی وجہ سے وہ گذشتہ 14۔15دنوں سے اسپتال میں زیر علاج تھے۔ پہلے انہیں لکھنؤ کے میدانتا پھر سنجے گاندھے پی جی آئی میں داخل کرایا گیا جہاں انہوں نے اتوار کی رات تقریبا11 بجے آخری سانس لی۔
मुनव्वर राणा को जावेद अख्तर ने दिया कंधा
— Sandeep Singh (@ActivistSandeep) January 15, 2024
اترپردیش کے ضلع رائے بریلی میں پیدا ہونے والے منور رانا نے اردو ادب میں شاعری کے ذریعہ اپنا منفرد مقام حاصل کیا۔ ان کی اردو میں ہندی کے ساتھ ساتھ اودھی کی بھی جھلک صاف دکھائی دیتی ہے۔ مرحوم کے پسماندگان میں بیوہ کے ساتھ ایک بیٹا تبریز رانا اور دو بیٹیاں سمیہ رانا اور فوزیہ رانا ہیں۔
سال 2014 میں منور رانا کو شہدابہ کے لئے ساہتیہ اکیڈمی ایوارڈ کے لئے نوازہ گیا۔ سال 2012 میں اردو ادب میں ان کی خدمات کے لئے ماٹی رتن ایوارڈ سے نوازہ گیا تھا۔ سال 2015 میں یوپی کے دادری میں اخلاق کی ماب لنچنگ کے واقعہ کے بعد منور رانا نے ایک نیوز چینل پر لائیو مباحثے کے دوران اپنا ساہیہ اکیڈمی ایوارڈ واپس کرنے کا اعلان کیا تھا۔انہوں نے اس فیصلے کی وجہ ملک میں بڑھ رہی عدم برداشت کو قرار دیا تھا۔
منور رانا کے ذریعہ لکھے گئے شعر زبان زد عام خاص ہیں۔ماں پر لکھی گئی نظمیں کافی مقبول ہوئیں۔
منور رانا کے انتقال سے اردو دنیا سوگوار ہے تو سیاسی، سماجی شخصیات نے انہیں اپنے اپنے طور پر یاد کرتے ہوئے انکی خدمات کو سراہتے ہوئے خراج عقیدت پیش کی ہے۔وزیراعظم نریندر مودی نے سوشل میڈیا پلیٹ فارم ایکس پر اپنے بیان میں منور رانا کو یاد کرتے ہوئےلکھا ہے ‘منو ر رانا کے انتقال کی خبر سے کافی تکلیف ہوئی ہے۔ اردو ادب وشاعری میں ان کی بہترین حصہ داری ہے۔ ان کے وارثین کے ساتھ میری گہری تعزیت ہے’۔
Pained by the passing away of Shri Munawwar Rana Ji. He made rich contributions to Urdu literature and poetry. Condolences to his family and admirers. May his soul rest in peace.
— Narendra Modi (@narendramodi) January 15, 2024
کانگریس صدر ملکا ارجن کھڑگے نے اپنے تعزیتی بیا ن میں کہا’ لپٹ جاتا ہوں ماں سے اور موسی مسکراتی ہے۔ میں اردو میں غزل کہتا ہوں، ہندی مسکراتی ہے۔ اردو کے مشہور شاعر، منور رانا جی کا انتقال ادبی دنیا کا بہت بڑا نقصان ہے۔ انہوں نے اپنی شاعری سے ہندوستان کے لوگوں کے دلوں میں اپنی جگہ بنائی۔ ان کے الفاظ رشتوں کے خوبصورت تانا بانا بنتے تھے۔ ان کے اہل خانہ اور چاہنے والوں کے تئیں میری تعزیت’ ۔
“लिपट जाता हूँ माँ से और मौसी मुस्कुराती है
मैं उर्दू में ग़ज़ल कहता हूँ हिन्दी मुस्कुराती है”उर्दू के मशहूर शायर, मुनव्वर राना जी का निधन साहित्य के क्षेत्र की बहुत बड़ी क्षति है।
उन्होंने अपनी शायरी से हिंदुस्तान के लोगों के दिलों में अपनी जगह बनाई, उनके शब्द रिश्तों का… pic.twitter.com/3w7eGxlc9l
— Mallikarjun Kharge (@kharge) January 15, 2024
وہیں ایس پی سربراہ و اترپردیش کے سابق وزیراعلی اکھلیش یادو نے اپنے سوشل میڈیا ہینڈل ایکس پر لکھا کہتو اب اس گاوں سے رشتہ ہمارا ختم ہوتا ہے ۔ پھر آنکھیں کھو لی جائیں کہ سپنہ ختم ہوتا ہے۔
तो अब इस गांव से
रिश्ता हमारा खत्म होता है
फिर आंखें खोल ली जाएं कि
सपना खत्म होता है।देश के जानेमाने शायर मुन्नवर राना जी का निधन अत्यंत हृदय विदारक।
दिवंगत आत्मा की शांति की कामना।
भावभीनी श्रद्धांजलि। pic.twitter.com/BDDbojdYNh
— Akhilesh Yadav (@yadavakhilesh) January 14, 2024
ملک کے مشہور شاعر منور رانا کا انتقال کافی تکلیف دہ ہے۔ مرحوم کی روح کے سکون کی دعا کرتا ہوں۔
