فیروزآباد: اترپردیش کے ضلع فیروزآباد کے نصیرپورعلاقے میں آگرہ۔لکھنؤ ایکسپریس وے پر ہفتہ کو تیز رفتار کار کے سڑک کنارے ٹرک سے ٹکرا جانے سے پانچ افراد کی موت ہوگئی جب کہ ایک خاتون زخمی ہوگئی۔
پولیس ذرائع نے بتایا کہ فیروزآباد میں ہفتہ کو علی الصبح خوفناک سڑک حادثہ پیش آیا۔ نصیرپورعلاقے میں آگرہ۔لکھنؤ ایکسپریو وے پر ایک ٹرک کھڑا تھا۔اس درمیان آگرہ سے لکھنؤ کی جانب جارہی تیزرفتارکارٹرک سے ٹکرا گئی۔اس حادثے میں کارسوار پانچ لوگوں کی موت ہوگئی جب کہ ایک خاتون زخمی ہوگئیں۔
واقعہ کی اطلاع ملتے ہی یو پی ٹرانسپورٹ کے ملازمین اور پولیس موقع پر پہنچ گئی۔ زخمی کو ایمبولنس سے اسپتال میں داخل کرایا گیا ہے۔متوفین کی شناخت رونیش پانڈے،روبی،لکھش پانڈے اور نندنی پانڈے کے طور پرہوئی ہے۔پانچ پریاگ راج کے گسرا علاقے کے رہنے والے ہیں۔زخمی خاتون کو اسپتال میں داخل کرایا گیا ہے۔
اطلاع ہے کہ یہ تمام افراد مہلوکین میں شامل بیمار روبی کو دہلی علاج کے لئے لے گئے تھے۔ سبھی دہلی سے لوٹ کر پریاگ راج جارہے تھے۔
