نئی دہلی، (یو این آئی) بدنام زمانہ دہشت گرد تنظیم جیش محمد کے سربراہ مسعود اظہر کے خاندان کے دس افراد اور اس کے چار قریبی ساتھی ہندوستانی فوج کے آپریشن سندور کے تحت پاکستان کے بہاولپور سبحان اللہ کمپلیکس پر کئے گئے حملوں میں مارے گئے۔
دہشت گرد گروپ نے اس کمپلیکس کو ٹھکانے کے طور پر استعمال کیا تھا۔ ہلاک ہونے والوں میں مسعود اظہر کی بڑی بہن اور بہنوئی، ان کا بھتیجہ اور ان کی اہلیہ شامل ہیں۔
نیوز رپورٹ میں جیش محمد کے سربراہ کے بیان کا حوالہ دیتے ہوئے کہا گیا کہ ایک اور بھتیجی اور اس کے خاندان کے پانچ بچے بھی مارے گئے۔ اس میں کہا گیا کہ اظہر کا ایک قریبی ساتھی اور دو دیگر قریبی ساتھی بھی ہندوستانی حملوں میں مارے گئے۔
ہندوستان نے پاکستان کے زیر قبضہ کشمیر میں جیش، لشکر طیبہ اور حزب المجاہدین کے نو دہشت گرد کیمپوں پر حملہ کیا ہے۔ بہاولپور میں سبحان اللہ کمپاؤنڈ پر حملہ ‘آپریشن سندور’ کے تحت کیے گئے دو اہم حملوں میں سے ایک تھا۔ ان حملوں میں 80 سے زائد دہشت گرد مارے گئے ہیں۔
