مدھیہ پردیش: وزیراعلی دہلی سے واپس لوٹے،محکموں کی تقسیم کے سلسلے ابھی فیصلہ واضح نہیں

    0
    8

    مدھیہ پردیش کے وزیراعلی شیوراج سنگھ چوہان نے آج کہا کہ وزرءا کے درمیان محکموں کی تقسیم کے سلسلے میں وہ آج اور ورک آؤٹ کریں گے۔
     چوہان نے دہلی سے لوٹنے کے بعد یہاں اسٹیٹ ہینگر پر صحافیوں کے سوالوں کے جواب میں یہ تبصرہ کیا۔ان سے پوچھا گیا تھا کہ کیا آج شام تک وزراء کے درمیان محکموں کی تقسیم ہوجائےگی، چوہان نے کہا کہ آج اور ورک آؤٹ کروں گا اور اس کے بعد محکمے تقسیم کریں گے۔
    چوہان اتوار کی صبح دہلی روانہ ہوئے تھے۔انہوں نے سرکاری سفر کے دوران صدر،نائب صدر اور متعدد مرکزی وزرا سے تحفہ کے علاوہ ریاست کے وزرا کے درمیان محکموں کی تقسیم کے سلسلے میں بھارتیہ جنتا پارٹی (بی جےپی)کے سینئر لیڈروں سے بات چیت کی ہے۔مسٹر چوہان کو پیر کی رات میں واپس آنا تھا،لیکن وہ آج صبح گیارہ بجے بعد یہاں پہنچے اور اس کے بعد بھی کہا کہ محکموں کی تقسیم کے سلسلے میں آج اور ورک آؤٹ ہوگا۔
    چوہان نے دو جولائی کو 28 نئے وزرا کو شامل کر کے کابینہ کی توسیع کی تھی۔پانچ وزیر پہلے سے ہی ہیں ۔دو جولائی سے ہی وزرا کے درمیاں محکمے کی تقسیم کے سلسلے میں پیش رفت جاری ہےاور اس دن سے ہی سب کو محکمے کی تقسیم کا کام بے صبری سے انتظار ہے۔
    دراصل تقریباً چار ماہ پہلے کانگریس چھوڑ کر بھارتیہ جنتا پارٹی(بی جےپی)میں آئے مسٹر جیوترآدتیہ سندھیا کے حامی تقریباً ایک درجن وزیر ہیں۔مانا جارہا ہے کہ اہم مانے جانے والے محکموں کے سلسلے میں کھینچ تان چل رہی ہے۔اس لئے مسٹر چوہان،مرکزی قیادت،ریاستی تنظیم کے علاوہ  سندھیا  کو بھروسے میں لےکر  پھونک پھونک کر قدم رکھکر آگے بڑھنے  کی پالیسی پر چل رہے ہیں۔